Viaxeiros do Tempo

Chegan entre vapores, engrenaxes e luces intermitentes, ninguén sabe como, pero apareceron aquí… no noso tempo. Son Os Viaxeiros do Tempo, personaxes procedentes dun século que nunca existiu: parte pasado, parte futuro, todo estilo. Confundidos e fascinados por este mundo moderno, exploran as rúas tentando comprender os obxectos estranos, as tecnoloxías actuais… e as nosas costumes tan “anticuadas” para eles. Preguntan, observan, interactúan e, ás veces, experimentan cos seus aparellos... con resultados imprevisibles. Un espectáculo que mestura humor, fantasía e estética steampunk, onde o público se converte en guía e testemuña desta accidental viaxe no tempo. Porque todo cambia… pero a curiosidade é eterna.