Antón e o Apalpador

Antón é un neno de cidade que viaxa ao Courel para pasar as vacacións de Nadal coa súa madriña. O que non imaxina Antón é a aventura que lle agarda nesta viaxe, onde coñecerá misteriosos e fantásticos personaxes da devesa, entre eles o Apalpador, un vello de oficio carboeiro que na noite de Nadal baixa polas aldeas a apalparlle as barrigas dos nenos e nenas para ver se están ben mantidos e deixarlles un feixe de castañas na mesiña de noite. Ao final do conto inclúe 6 páxinas de xogos e actividades para que os nenos e nenas aprendan un pouquiño máis sobre o Apalpador e sobre a súa contorna.